相信大家都知道我以前係喺銀行工作,成日都要返工見客,穿搭嘅選擇自然會比較少。DayDayCook 一開始嘅短片入面其實我都著得比較死板,成日都係黑白灰素色。慢慢我發現,原來好多唔想著嘅衫(其實係唔敢著),都出奇地比想像中好睇。
今次想講嘅 item 就係連身裙「小洋裝」。老實講一開始都幾抗拒,會諗:作為一個事業女性,會唔會太可愛呢?機緣巧合下有同事安排左一條小洋裝俾我拍攝嘅時候用,從嗰時起就愛上左啦~
其實都唔係所有小洋裝都走可愛風,加入唔同嘅配飾同頭髮造型,小洋裝都可以令人看起來優雅大方。例如我今次揀嘅呢一套 Outfit,用一條手繪圖案白色連身裙,配上宜家韓國好興嘅低馬尾,加埋一對比較正式嘅灰色流蘇平底鞋,斯文得嚟又唔會太拘謹!有時我出席一啲商業性重小小嘅活動都鐘意咁著㗎~
不過對我嚟講,連身裙最大嘅吸引力其實係唔駛襯衫,哈哈哈~怕麻煩或者趕時間嘅朋友絕對適合你地喔!
Outfit:
白色連身裙:JDC Hong Kong https://goo.gl/1kRqld
平底鞋:Zara